باللهجة العامية ساكتب
أكو واحد مخبل يتفاخر كدامي
انا من البلد الفلاني
كتله والنعم منك اغاتي
ضل يسولف ويتفاخر كتله اسكت واسمعني...
انا ابن الموصل الحدباء اللي تميل
على كل من يدخل ويصلي
وتاخذ بيده وتكول انت من طين وانا من طين ...
يا فلان ...ولك انا ابن العراق
من المنصور احنا ننزف ونعرس
مايبس عدنا الطين
يافلان ..من خلق الله الكون
العراق مخلوق ..ويمد ايده
وينطي للي مثلكم مساكين
يافلان ..اترك الكعبة وقبر النبي
والقدس الشريفة ..
ولك اي مكان بالعراق تبوسه طاهر
مدفون بيه كل الانبياء والمرسلين
ولك يافلان ..كل الناس تتفاخر بسلاحها الا احنا يافلان بس بدينا نكاون ...ولك من كان اسمنا ارض الرافدين
لليوم مانشف دم الشهداء بين الوديان
ونزف الشهيد عرس ونحني الجفين ..
يافلان ..الناس لهسة تسولف على ثورة العشرين ...انت اذا تفتهم ماتتفاخر كدام عراقي تعال شوف ثورة تشرين ....ولك ورب الكون
ومن خلق كل الاديان
مايصير مثل العراق أثنين ...
بقلمي
No comments:
Post a Comment