<<<*0*>>> هالكلفة ارفعي <<<*0*>>>
~~~~~~~~...................~~~~~~~~
هونيك ليلة غفلت والقلب
مجروح
<<<*0*>>> شفتا بمنامي هيك فقت بلا وعي
من بعيد شفتا وشالا بايدا
تلوح
<<<*0*>>> صوتا عالبعد خايف نزّل مدمعي
ريتو صباحك خير ياساكنة
بالروح
<<<*0*>>> هالقلب نادى كتير ليش مابتسمعي
طال الهجر مشتاق وين بدي
روح
<<<*0*>>> قلبي تعب ياحب لازم ترجعي
وصلت زهورك والعطر منها
يفوح
<<<*0*>>> وعم تسالي بحبك شو بتتوقعي
بنظرات عيني صار السر
مفضوح
<<<*0*>>> وكل القصايد الك ما انتي مطلعي
وحروف تنزف عشق والجرح
مفتوح
<<<*0*>>> وصوتك مدايح صلى وصّل مسمعي
واشرد بلحظة والعقل وين
يروح
<<<*0*>>> غيب بعيونك غفا وانتي تقاطعي
غرقان ياحلوتي بدي سفينة
نوح
<<<*0*>>> طوفان حبك علّي اوعي تفزعي
ماعدت قادر عالبعد مابقى
مسموح
<<<*0*>>> بالخجل والعيب حاجي بقا تتذرعي
عيونك قالتلي هيك مابدا قلم
وشروح
<<<*0*>>> وسمعان حكي القلب انتي تسمّعي
قولي بحبك هيك خلي السر
يبوح
<<<*0*>>> مليت من استاذ هالكلفة ارفعي
-----------------------------------------------
صباح الصراحة والحب
صباح الغزل
اصدقائي
الشاعر السوري المهجري .. د اليان سمعان
سفير اكاديمية السلام في المانيا : مكتب كاليفورنيا
No comments:
Post a Comment